14 нче июньдә Ленинград өлкәсенең Энколово авылында Сабан туе була, анда ТР ДС Рәисе, ТР Президенты каршындагы ватандашлар эшләре буенча Координацион советы рәисе Фәрит Мөхәммәтшин катнаша.
Чараны Санкт-Петербургның Татар милли-мәдәни мохтарияте рәисе Рәис Яркәев ача. Бәйрәм программасына татар һәм башкорт артистларының, шулай ук Михаил Боярскийның чыгышлары керә.
Бәйрәмдә шулай ук Санкт-Петербург губернаторы Георгий Полтавченконың, Ленинград өлкәсе губернаторы вазыйфасын башкаручы Константин Патраевның, ТРның Санкт-Петербургтагы һәм Ленинград өлкәсендәге даими вәкиле Шамил Әхмәтшинның һ.б. рәсми затларның катнашуы көтелә, дип хәбәр итә ТР Дәүләт Советы матбугат хезмәте.
