15 ноябрь көнне Тубыл шәһәрендә “Татарча диктант” акциясенә “Ак калфак” оешмасы да кушылды. Акция Тубылның 15 нче мәктәбендә узды, һәм анда 60тан артык кеше катнашты. Бу көнне татар теле һәм әдәбиятына хөрмәт белдерү өчен укытучылар, мәктәп укучылары һәм шәһәр халкы берләште.

Оештыручылар арасында мәктәп директоры Альфия Петухова, татар теле укытучысы Баниса Сөнгатуллова, Нуриля Шамратова, автономия башлыгы Гульнара Янгулова һәм “Ак калфак” оешмасы активистлары бар иде. Әлеге чарада катнашучылар, аерым алганда, әтиләр һәм әниләр дә үз белемнәрен сынап карадылар.

Текст өчен “КЫЙТГА” әсәре сайланды, аны Мөхәммәт Мәхдиев язган.

Чара ахырында, шулай ук “Ак калфак” оешмасының кызлары Айсылу Юнысова, Фәридә Лукманова, Камиля Хакимова, Амина Биктимирова, Лилия Саликова исемнәренә рәхмәт хатлары тапшырылды. Бу оешма кызларының актив эшчәнлеге һәм татар телен саклау юлындагы тырышлыгы билгеләп үтелде.

“Татарча диктант” акциясе Тубылда татар теленең әһәмиятен тагын бер кат ассызыклап, телне саклау һәм үстерүгә булышлык итте.