13 апрель көнне Бөтендөнья татар конгрессының Башкортстандагы вәкиллеге офисында IV республикакүләм “Туган як шигърияте – 2021” сәнгатьле уку бәйгесенең жюри тарафыннан финалистлары билгеләнде.

Башкорт дәүләт университеты филология факультетының татар филологиясе һәм мәдәнияте кафедрасы һәм Башкортстан Республикасының Язучылар Союзы тарафыннан оештырылган бәйге 5-11 сыйныф укучылары, урта һәм югары уку йортлары студентлары арасында үткәрелә.

Бәйгенең төп максаты – республикада яшәп иҗат итүче шагыйрьләрнең иҗатын тарату, туган телгә, сәнгатьле сүзгә игътибар юнәлтү, мәхәббәт тәрбияләү.