Бүген, 22 март көнне, Түбән Новгород шәһәрендә өлкәкүләм ифтар мәҗлесе узды. Мәҗлес Бөек Ватан сугышында Җиңүнең 80 еллыгын һәм Түбән Новгород Җәмигъ мәчетенең 110 еллыгын бәйрәм итүгә багышланган иде.
Чарада Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров катнашты. Ул кунакларны Татарстан Республикасы премьер-министры урынбасары, Бөтендөнья татар конгрессының Милли Шура рәисе Васил Шәйхразыев исеменнән сәламләде.
Шулай ук мәҗлестә Түбән Новгород өлкәсенең дәүләт һәм муниципаль хакимият органнары вәкилләре, дин әһелләре, җәмәгать эшлеклеләре, эшмәкәрләр, меценатлар, хәйриячеләр, укытучылар катнаштылар.
