Түбән Новгородның “Феста Холл” мәдәни күңел ачу комплексында 24 сентябрьдә “Татар кызы 2014” I Бөтенроссия гүзәллек конкурсының сайлап алу туры узачак. Аны төбәк татарларының милли-мәдәни автономиясе оештыра.

Искәртеп үтергз кирәк, бу бәйге башка төр гүзәллек конкурсларыннан аерылып тора. Монда бикинидан чишенеп йөрү кебек халкыбызның милли гадәтләренә туры килмәгән әйберләр булмый.

“Татар кызы 2014” I Бөтенроссия гүзәллек конкурсын Татарстан мәдәният министрлыгы, Татарларның федераль милли-мәдәни автономиясе,  «TAT Project» милли-мәдәни берләшмә оештыралар.