Түбән Камадагы Халык иҗаты йорты “Нижнекамскнефтехим” җәмгыятенең 50 еллыгы уңаеннан татар язучыларының аудиокитапларын чыгарган. Бу эшне “Җидегән чишмә” аудиокитаплар яздыру студиясе башкарган.

Бүләккә бирерлек итеп бизәлгән җыелма Габдулла Тукай, Мәхмүт Галәү, Разил Вәлиев әсәрләре кергән дисклар бар. Әсәрләрне татар телендә дә, рус телендә тыңлап була.