Татарстан Республикасы Премьер министры урынбасары, Бөтендөнья татар конгрессының Милли Шура рәисе Васил Шәйхразыев Удмуртия Республикасына эш сәфәрен дәвам итә.

Сәфәр кысаларында төбәкара хезмәттәшлекне үстерү, татар иҗтимагый оешмаларына ярдәм итү һәм 2028 елда Ижау шәһәрендә XXVIII Федераль Сабантуйны уздыру өчен әзерлек чаралары буенча сөйләшү алып барылды. 2028 елда XXVIII нче Федераль Сабантуй Удмуртия башкаласы –  Ижау шәһәрендә узачак. Бүген Татарстан делегациясе милли бәйрәмне үткәрү өчен төп мәйданнарны, ипподромны карадылар.