Габдулла Тукай туган көненә багышлап Удмуртиядә республикакүләм “Татар егете” бәйгесе үткәрәчәкләр.

Бәйгене Можга татарлары милли-мәдәния автономиясе һәм “Иман” татар яшьләре оешмасының җирле бүлеге оештыра.

18-35 яшьтәге ир-егетләр саф татар телендә үзләре белән таныштырырга һәм татар егете нинди булуы турында сөйләргә тиешләр.

Конкурс ике этапта үтәчәк. Анкета тутыру һәм кастинг 2 апрельдә узачак. Икенче этапта егетләрне иҗади ярышлар көтә.