17–19 ноябрь көннәрендә Уфа шәһәре Ислам дөньясының игътибар үзәгенә әвереләчәк. Биредә Россия Югары мөфтие Тәлгать Сафа улы Таҗетдиннең 45 еллык дини хезмәтенә багышланган зур чаралар узачак. Әлеге чараларда дөньяның 12 иленнән кунаклар катнашыр дип көтелә, алар бергәләп бүгенге заманда Исламның роле, рухи кыйммәтләрне саклау һәм үстерү юнәлешләре турында фикер алышачак.
Бүген, 18 ноябрьдә, Башкортстан Республикасы башлыгы Радий Хәбиров һәм чит ил кунаклары катнашында конференцияне ачу тантанасы булды. Конференция кысаларында төрле юнәлешләр буенча берничә секция эшләячәк. Конференциядә шулай ук Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Фәнис улы Шакиров катнашты.
