Димитровград шәһәренең 2 нче мәктәбе филиалында «Туган илем – йөрәгемдә» 4 нче татар иҗат конкурсының финал өлеше узды. Быел бәйге патриот-шагыйрь, Советлар Союзы Герое Муса Җәлилнең 120 еллык юбилеена багышланган иде. 5-15 яшьлек балалар берничә номинациядә көч сынашты.

Татар халкының телен һәм мәдәниятен яратучы укытучыларга, ата-аналарга һәм балаларга чын күңелдән рәхмәт әйтәсем килә. Бәйгедә катнашырга теләк белдергән кызлар һәм малайларның саны елдән ел арта бара, ди мәктәпнең татар теле һәм әдәбияты укытучысы, әлеге бәйгене оештыручы Венера Шагвалеева.

Чыганак: Ульяновск “Өмет” гәзите