«Уйнагыз, гармуннар!» халык иҗаты фестивале дәвам итә. Катнашучылар Бауман урамы буйлап Казан Кирмәненә кадәр парад белән үттеләр. Парад алдыннан Бөтендөнья татар конгрессы Милли Шура рәисенең беренче урынбасары — Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров, Татарстан Республикасы Мәдәният министры Ирада Әюпова, татар эстрадасы җырчылары Ришат Фазлыйәхмәтов, Илназ һәм Гүзәл Баһавиевлар гаиләсе бардылар. Аларга 20 регионнан килгән 700дән артык гармунчы кушылды.
Җыр-моңга гашыйк милләттәшләребез белән Татарстан Республикасы Рәисе Рөстәм Миңнеханов та күреште. Ул гармунчылар парадындагы яшь катнашучы Максат Мостаевка тальян гармун бүләк итте.
