Әңгәмә барышында катнашучылар ике илнең инвестицион һәм икътисади мөмкинлекләре турында сөйләштеләр, уртак юнәлешләр буенча фикер алыштылар һәм киләчәккә планнар билгеләделәр.
Равшанбек Сабиров, Кыргызстанның Татарстан белән хезмәттәшлекне үстерү теләге зур булуын ассызыклап, Татарстан тәҗрибәсенең күп кенә өлкәләрдә үрнәк булуын әйтте.
Очрашуда шулай ук Кыргызстанда яшәүче бер төркем татар эшмәкәрләре катнашты. Алар үз эшчәнлекләре турында сөйләделәр, уртак проектлар өчен мөмкинлекләрне билгеләделәр.
Васил Шәйхразыев Татарстан Республикасы Инвестицион үсеш агентлыгының эшчәнлеге белән таныштырды, гамәлдәге проектлар мисалында тәҗрибә уртаклашты һәм ике як өчен дә файдалы булган алымнарны тәкъдим итте.
Очрашу нәтиҗәсендә яклар ике республика арасында инвестицион хезмәттәшлекне көчәйтү максатыннан уртак төркем төзү турында килештеләр.
