Бүген Татарстан Республикасы  Премьер-министры урынбасары, Бөтендөнья татар конгрессының “Милли шура” рәисе Васил Шәйхразиев эшлекле сәфәр белән Алтай краена килде.

Васил Шәйхразиевның көн тәртибендә Алтай краеның Хөкүмәт рәисе урынбасары  Виталий Снесарь белән очрашу планлаштырылган. Шулай ук Милли шура рәисе Сабантуй узачак мәйданнар белән дә танышачак. Көннең икенче яртысында Васил Шәйхразиевның  Алтай Республикасы Хөкүмәте рәисенең беренче урынбасары Роберт Пальталлер белән очрашу, Татарстан Республикасының  “Алтай – Евразия йөрәге” истәлекле билгесенә сәфәр кылу да планлаштырыла.