Татар теле һәм әдәбияты укытучыларының VII Бөтенроссия корылтаенда Татарстан Республикасы Премьер-министры урынбасары, Милли Шура рәисе Васил Шәйхразиев мөгаллимнәргә: “Сез татар җанлы, бирелеп эшли торган укытучыларыбыз. Сезгә укучылар да, әти-әниләр дә, җитәкчеләр дә карап тора. Бүгенге көндә шартлар бар. Әлеге съезда җыелып, борчыган мәсьәләләрне бергә уртага салып сөйләшү бик мөһим. Корылтайда тәҗрибә туплап, алга таба да җиң сызганып эшләргә кирәк”.