Бөтендөнья татар конгрессы Милли Шура рәисе Васил Шәйхразыев Чувашия Республикасына эш сәфәре кысаларында Шыгырдан авылындагы «Өч сәхабә» мәчетендә булды.Биредә Балалар ифтарында катнашты.

Республикакүләм Балалар ифтары ел саен узучы чара. Анда мәчет-мәдрәсәләрдә дини белем алучы балалар чакырыла, соңгы елда Коръән укырга өйрәнүчеләргә изге китап бүләк ителә. Шулай ук һәр катнашучы балага татар эшмәкәрләре әзерләгән күчтәнәчләр тапшырыла. Ахшам намазыннан соң балалар бергә җыелып авыз ача.

Быел да мәчетләр каршындагы якшәмбе мәктәпләренә Изге Коръән китаплары тапшырылды. Бу чаралар яшь буынны милли-дини рухта тәрбияләүгә юнәлтелде.