Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Россия Федерациясенең Беларуссиядәге Илчелегендә «Кол Шәриф» мәчете сурәтләнгән мозаик панно белән танышты.

Россия Федерациясенең Беларуссиядәге Илчелегенең кабул итү залында урнаштырылган «Кол Шәриф» мәчете сурәтләнгән мозаик панноны кую идеясен Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев тәкъдим итә. Ул 2020 нче елда Татарстан Республикасы Рәисе Р.Н. Миңнеханов йөкләмәсе нигезендә куела. Панно Татарстан Республикасының Атказанган сәнгать эшлеклесе, Габдулла Тукай исемендәге Дәүләт премиясе лауреаты, Татарстан Республикасы Рәссамнар берлеге рәисе Фәрит Рәхмәтуллин эскизы буенча ясалган.