Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Беларусь Республикасына килде. Аны Татар оешмасы җитәкчесе Эльвира Левшевич һәм Брест шәһәре Башкарма комитеты әгъзалары каршы алды.

Биредә Бөек Ватан сугышы вакытында Брест крепостен яклауда, Республиканы һәм Брест шәһәрен азат итүдә катнашкан Татарстанлыларга истәлек тактасы кую тантанасы узачак. Шулай ук “Рәхмәтле буыннарның тере истәлеге” (“Живая память благодарных поколений”) истәлекле билгесен ачу, Мәңгелек утка һәм “Азат итү” һәйкәленә чәчәкләр кую планлаштырыла.