Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Чечен Республикасына килде. Аэропортта аны Чечен Республиканың милли сәясәт, тышкы элемтәләр, матбугат һәм мәгълүмат министры, Чечен Республикасы Башлыгы ярдәмчесе Әхмәт Дудаев каршы алды.

Биредә 2024 елда Чечен Республикасында Сабантуйга әзерлек һәм аны үткәрү буенча Оештыру комитеты утырышы узачак. Шулай ук иртәгә Россия Герое, Чечен Республикасы Башлыгы Рамзан Кадыйров белән очрашу планлаштырыла.