Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Ханты-Мансийск автономияле округы – Югра башкаласына килде.

Халыкара аэропортта Милли Шура рәисен Татарстан Республикасының Ханты-Мансийск автономияле округы – Юградагы сәүдә – икътисадый вәкиле Булат Бәдретдинов һәм ХМАО-Югра яшьләр сәясәте, Гражданлык инициативалары һәм тышкы элемтәләр департаментының Тышкы элемтәләр идарәсенең Россия төбәкләре һәм БДБ илләре белән хезмәттәшлек бүлеге баш белгеч-эксперты Владислав Воробьев каршы алды.