Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Кострома шәһәренә эш сәфәре белән барачак.

Биредә Бөтендөнья татар конгрессы Милли Шура рәисенең Ипатьевский монастырендә күргәзмә ачылышында катнашуы планлаштырылган. Әлеге күргәзмә Кострома татарлары тарихына багышланачак.

Шулай ук Кострома мемориаль мәчетенең икенче бинасын ачу тантанасы да көтелә.