Бүген, 5 февраль көнне, Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Красноярск краена килде.
Биредә аны Красноярск крае губернаторының иҗтимагый элемтәләр идарәсе башлыгы Баринов Роман, «ЯР» Төбәк татар милли-мәдәни автономиясе ҖЧҖ советы Рәисе Фәйзуллин Вәгыйз, «Яңарыш» җирле татар милли-мәдәни автономиясе ҖЧҖ рәисе Гайфуллин Руслан һәм башкалар каршы алды.
Красноярск краенда Бөтендөнья татар конгрессы Милли Шурасы рәисенең Енисейка шәһәре башлыгы Никольский Валерий һәм Лесосибирск шәһәре башлыгы Хохряков Андрей белән рәсми очрашуы узачак. Шулай ук татар зиратына бару, чәчәкләр салу һәм башка чаралар планлаштырылган.
