Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Кырым Республикасына килеп җитте.

Биредә бай эшлекле программа көтелә. Кырым Республикасы Башлыгы Сергей Аксенов, Симферополь шәһәренең Җәмигъ мәчетендә Кырым Республикасы мөфтие Әмирәли хаҗи Аблаев белән очрашу, Муса Җәлил һәйкәле мәйданчыгын карау, “Сәләт — Ак Барс” балалар лагеренә бару да планлаштырылган.