Иртәгә, 21 май, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Якутия (Саха) Республикасына барачак.

Эш сәфәренең программасы Якутия (Саха) Республикасында XXV Федераль Сабантуйны уздыру мәйданчыкларын карауны һәм сәнгать осталары концертын уздыру бинасын карауны үз эченә ала. Шулай ук Якутия (Саха) Республикасы Башлыгы А.С. Николаев белән рәсми очрашу узачак.