Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Әстерхан шәһәренә килде.

Бүген ул биредә патриот-шагыйрь Муса Җәлил һәйкәленә чәчәкләр салды.

Әстерханда Муса Җәлил һәйкәле «Россия Даны аллеясы» Россия проекты кысаларында 2017 елның 13 маенда куелды. Бөек шагыйрь хәтерен мәңгеләштерү эшендә беренче адымнар Әстерхан җәмәгать эшлеклесе Әдилә Умеровага һәм «Дуслык» татар милли мәдәнияте җәмгыяте активистлары инициативасы белән ясала.