Бүген Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Марий Эл Республикасына килде. Биредә ул Федераль Сабантуйның әзерлек эшләре белән танышты.
XXIV Федераль Сабантуй 2024 елның 5-6 июлендә Марий Элның Медведево муниципаль районы Руэм бистәсендә Медведево ипподромында узачак. Бәйрәмне үткәрү өчен объектларның гомуми мәйданы 165 000 кв.м тәшкил итә һәм Йошкар-Оладан 3 км ераклыкта урнашкан. Марий Элга Россиянең 72 төбәгеннән 500дән артык делегат киләчәк.
Бәйрәмгә әзерлек тулы көченә бара. Кунаклар өчен тематик әдәби-музыкаль, театральләштерелгән, күңел ачу, уен, сәүдә кебек мәйданчыклар әзерләнә.
