Татарстан Республикасы Премьер-министры урынбасары, Бөтендөнья татар конгрессының Милли Шурасы рәисе Васил Шәйхразыев Фәрит Яруллин исемендәге Дубровенск балалар сәнгать мәктәбендә булды.

Балалар сәнгать мәктәбе күп профильле оешма  булып тора һәм балаларга өстәмә белем бирүнең төрле эстетик юнәлешләр буенча белем бирү программаларын тормышка ашыра: инструменталь (фортепиано, скрипка, гитара, баян, аккордеон, цимбал, балалайка класслары буенча); рәсем сәнгате; хореография; хор.

Балалар сәнгать мәктәбенең 4 агрошәһәрчектә уку класслары бар: Осинторф, Зарубы, Калиновка, Добрынь. Укыту-тәрбия процессын югары һәм урта махсус белемле 26 укытучы башкара. Мәктәптә түбәндәге иҗат коллективлары эшли: «Аурум» халык вокаль-инструменталь ансамбле, баяннар оркестры, «РИТМ» хореография коллективы һәм башкалар.

Яруллин Фәрит Заһидулла улы – татар композиторы, милли балетка нигез салучы. Фәрит Яруллинның исеме Татарстанның һәм Россиянең музыка культурасы тарихына мәңгегә кереп калды. Аларга милли музыка палитрасын баеткан инструменталь һәм вокаль әсәрләр аз язылмаган. Беренче чиратта, Фәрит Яруллин татар хореография сәнгатен торгызуга нигез салган “Шүрәле” балеты авторы буларак билгеле.