Саха (Якутия) Республикасына эш сәфәре кысаларында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев, Түбән Кама районы башлыгы һәм Түбән Кама мэры Радмир Беляев, Бөтендөнья татар конгрессы Милли Шура рәисенең беренче урынбасары — Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров Сабантуй узасы мәйданчыкларда әзерлек эшләре белән таныштылар.
Халыклар дуслыгын, мәдәни мирасны һәм милли традицияләрне гәүдәләндерүче иң якты бәйрәмнәрнең берсе булган XXV Федераль Сабантуй 14 июнь көнне узачак. Юбилей Сабантуе вакыйгаларга бай булырга вәгъдә итә.
