Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Луганск Халык Республикасы татар җәмәгатьчелеге вәкилләре белән очраштa. Чарага республиканың төрле шәһәр һәм районнарыннан килгән татарлар катнашты, зал тулып торды.
Васил Шәйхразыев милләттәшләрне сәламләде. Алга таба сәхнәдә төбәк үзешчән сәнгать төркемнәре, шулай ук Татарстаннан килгән мәшһүр артистлар чыгыш ясады.
Тамашачылар алдында Татарстанның Халык артисты Зәйнәб Фәрхетдинова, Татарстанның Атказанган артисты, Бөтендөнья татар конгрессының Милли Шура әгъзасы, Архангельск өлкәсе татар милли-мәдәни мохтарияте рәисе Рим Кәлимуллин һәм халыкара конкурслар лауреаты Сөмбел Билалова осталыкларын күрсәттеләр.
Чара ахырында Луганск Халык Республикасы татарларына Бөтендөнья татар конгрессының күчтәнәчләре – Казан чәк-чәге бүләк ителде.
