Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Минеральные Воды шәһәренә килде. Иртәгә ул Ростов өлкәсенә юл тотачак. Шулай ук Донецк һәм Луганск Халык республикаларына сәфәр оештырылачак.

Әлеге сәфәрләр уртак хезмәттәшлектә үткәрелә. Чараларда Архангельск  һәм Оренбург өлкәләре  татар милли-мәдәни мохтариятләре рәисләре Рим Кәлимуллин, Илдус Дәүләтов,  шулай ук Самара өлкәсе татарларының “Дуслык” иҗади-иҗтимагый оешмасы рәисе Фәхретдин Канюкаев катнаша.