«Россия – ислам дөньясы: KazanForum» икътисадый форумы кысаларында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Шәйхразыев Васил Габтелгаяз улы Россия Федерациясе Хөкүмәте Рәисе урынбасары Хөснуллин Марат Шакирҗан улы белән очрашты.

Әңгәмә барышында алар 16 майда эшли башлаячак «Милли үзенчәлек һәм дин» XV Бөтенроссия татар дин эшлеклеләре форумы буенча мәсьәләләр буенча фикер алыштылар. Форум 18 майга кадәр дәвам итәчәк.

Чарада Россия Федерациясенең 74 төбәгеннән 1049  делегат катнашуы көтелә. Бу Россиядә мөселман руханиларының бердәмлекне ныгытуга, тәҗрибә уртаклашуга һәм күпмилләтле илдә ислам тормышының актуаль мәсьәләләрен хәл итүгә юнәлдерелгән форум.

Форум «Изге Болгар җыены-2025» тантаналы чарасы белән тәмамланачак.