Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Омск өлкәсенә эш сәфәре кысаларында Тара шәһәре мәчетендә булды.

Узган ел Васил Шәйхразыев мәчет төзелеше белән танышкан, ике урам чатында урнашкан мәчетне Интернационал урамыннан Казан урамына күчерү буенча район хакимиятенә мөрәҗәгать белән чыккан иде. Әлеге мөрәҗәгатьтән соң район Советы карары нигезендә мәчетнең адресы Казан урамына беркетелде.

Мәчетнең ачылышы 26нчы июль көнне узачак.