Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Тверь шәһәренә килде. Сәфәр кысаларында ул Тверь өлкәсенең төбәк татар милли-мәдәни автономиясе офисында булды. Анда аны җирле татар җәмгыяте вәкилләре җылы каршы алдылар.

Тверьдә татар автономиясе 2012 елның мартында теркәлде. Шул ук елда халык җыр коллективы оешты. Коллектив төрле чараларда уңышлы чыгыш ясап, өлкә районнарында концертлар үткәрә. Шулай ук шәһәрнең татар мәдәни үзәгендә татар теле дәресләре, җыелышлар һәм түгәрәк өстәлләр оештырыла.