Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Тверьның Җәмигъ мәчетендә булды.
Тверь Җәмигъ мәчете — 1906 елда төзелгән тарихи мәчет. Региональ әһәмияттәге мәдәни мирас объекты. 2008 елда мәчетнең эчке һәм тышкы ягы ремонт ясала, гыйбадәтханә тирәсендәге территория яңартыла.
2020 елда Чечен Республикасының беренче президенты Әхмәт Хаҗи Кадыйров исемендәге фонд ярдәме белән яңадан капиталь реставрация үткәрелә. Реставрация проекты бинаның оригиналь төрен тулысынча саклап калуны үз эченә алган. Эш фасадка гына түгел, эчке бизәлешкә дә кагыла.
