Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш визиты белән Пермь краенда. Биредә ул XIV Бөтенроссия авыл Сабан туе прологының генераль репетициясендә булды.

Исегезгә төшерәбез, Пермь крае 14-16 июньдә Бөтенроссия авыл Сабан туен кабул итә. Бәйрәмне 14нче тапкыр үткәрәләр, кунаклар Россиянең 50 төбәгеннән җыелачак. Бәйрәм кунакларын бай бәйрәм программасы көтә.  Бәйрәмнең төп спорт чаралары булып ат чабышлары һәм билбау көрәше буенча ярышлар торачак.