Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Оренбург өлкәсендә. Биредә ул XVII Бөтенроссия авыл Сабан туен уздыру урынын карады.
2027 елда XVII Бөтенроссия авыл Сабан туе Оренбург өлкәсенең Әсәкәй районында узачак. Программада Оренбург өлкәсеннән, Татарстан Республикасыннан һәм Россиянең башка субъектларыннан иҗат коллективлары чыгышлары, авыл хуҗалыгы техникасы һәм фермерларның товарлары күргәзмәсе, спорт ярышлары (ат чабышлары һәм билбау көрәше), халык һөнәрчелеге, җирле җитештерүчеләрнең сувенир һәм башка продукциясе, шулай ук азык-төлек продуктлары ярминкәсе булачак.
