Якут дәүләт һәм җәмәгать эшлеклесе, язучы Алексей Елисеевич Кулаковский һәйкәленә чәчәкләр салу тантанасында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев якут халкына рәхмәтен белдерде.
«Һәр халыкның үзенең бөек шәхесләре бар. Якутскка яисә Россия Федерациясенең башка субъектларында уза торган чараларга килгәндә, барысын да чәчәкләр салудан башлыйбыз. Безнең зур бәхеткә, без — Россия Федерациясенең йөз еллык субъекты. Татарстан Республикасының 100 еллыгы уңаеннан, Республика Саха (Якутия) делегациясе килеп, барлык татарстанлылар өчен искиткеч бәйрәм оештырды. Ә сезнең йөз еллыгыгыз вакытында без татар мәдәниятен һәм сәнәгатен күрсәттек.
Без якут халкына һәм бергә гомер иткән кешеләргә чын күңелдән рәхмәтлебез — чөнки алар бер-берсенең мәдәни үзенчәлекләренә тирән үтеп кереп яшәделәр.
Сабан туе бәйрәме никадәр зур булачагы Якутск шәһәре халкыннан да тора. Чөнки якындагы төбәккә очар өчен 3–4 сәгать кирәк. Ләкин без бик нык әзерләндек. Якут, татар һәм рус гаиләләрендәге кебек, әйтәсем килә: бәйрәм әзер. Барыгызны көтәбез!», – диде Шәйхразыев.
