Татарстан Республикасы Премьер-министры урынбасары, Бөтендөнья татар конгрессы Милли Шурасының рәисе Васил Шәйхразыев эш сәфәре белән Курган өлкәсе Йолдыз авылында. Биредә ул авылны карады, яңа йортларда булды һәм халык белән аралашты.
Исегезгә төшерәбез, 2023 елның 8 маенда урман янгыны нәтиҗәсендә Курган өлкәсенең иң зур татар авылларының берсе Йолдыз зыян күрде. 336 йортның 92 е генә исән калган, мәчет белән мәктәп кенә сакланган, 7 кеше һәлак булган. Бөтендөнья татар конгрессы ярдәмендә, шулай ук авылда җәмәгатьчелек һәм меценатлар ярдәме белән бик күп яңа йортлар төзелде.
