Ул үзен популяр дип санамый. Җырларына шигырьләрне үзе эзләп табарга ярата. Күңеленә иң якын шагыйрьләре Әдгам Атнабаев, Фәнис Яруллин, Рөстәм Зәкуанов. Җырларын популяр җырчылар башкара: Зинира һәи Ризат Рамазановлар, Алсу һәм Азат Фазлыевлар, Ландыш Нигъмәтҗанова, Салават Фәтхетдинов, Илсөя Бәдретдинова, Рифат Зарипов һ.б.

Айдар Тимербаев язган җырларның күбесе тиз арада хитка әверелә. Ул ничек иҗат итә? Ни өчен үзен “Мин көйче”  дип атый? Заказга җыр язамы? Без сезгә әңгәмәне карарга, шулай ук Айдар Тимербаев язган җырларны тыңларга тәкъдим итәбез.