Бу атна ахырында Татарстанда Сабантуйлар башланып китә. Сигезе, тугызы ул авыл-районнарда үтә, 15нче июньдә Чаллыда, 23дә Казанда. Гомумән алсак, быел Җир шарында Сабантуйны 400 тапкыр уздырачаклар.

Алар җылы илләрдә, Россиянең Көньяк төбәкләрендә апрелдә ук башланды. Татарстанда, оештыручылар Милли бәйрәмебезне борынгыча итеп, аның югалып баручы мәгънәсен кайтаруны максат итеп куя. Узган ел Рөстәм Миңнеханов кушуы буенча, башкаланың Тынычлык бистәсендә Сабантуйның асылларын тасвирлаган бәйрәм оештырдылар. Быел миллилек нәрсәдә чагылачак?