Бүген су басуда зыян күргән Омск өлкәсендәге татар авылларына булышу максатыннан Казаннан 20 тонна гуманитар ярдәм төялгән фура машинасы юлга кузгалачак. Кирәк-яракларны туплау һәм озату эшен Бөтендөнья татар конгрессы оештыра. Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев әлеге мәсьәләне даими рәвештә үз контролендә тота.
Хөрмәтле милләттәшләр, кадерле дуслар!
Апрель ае илебезнең берничә өлкәсенә зур бәла-каза китерде. Су басу нәтиҗәсендә меңләгән йортлар, су астында калып, дистәләрчә мең кеше яшәү урыннарыннан, ризыкларыннан вакытлыча мәхрүм калдылар.
Шушы зур афәттән зыян күрүчеләргә ярдәм йөзеннән Бөтендөнья татар конгрессының Милли Шурасы махсус Штаб төзеде.
Без, Бөтендөнья татар конгрессы, Татар дөньясын табигать афәтенә дучар булган кешеләргә булышырга чакырабыз. Әлеге олы кайгыга битараф булмаучылар түбәндәге реквизитлар буенча матди ярдәм күрсәтә ала. Барыбыз да бердәм булып, шушы балә-казага юлыккан кешеләргә ярдәм итүдә үз өлешебезне кертик. Без, татарлар, авыр чакта бер йодрык булып берләшә беләбез. Курган өлкәсенең Йолдыз авылының яңадан торгызылуы моңа үрнәк булып тора.
Реквизитлар:
Полное наименование: Республиканский общественный фонд Всемирного конгресса татар
Юридический адрес: 420015, Республика Татарстан, г. Казань, ул. Карла Маркса, д.38/5
ИНН/КПП: 1653007500/165501001
Расчетный счет: 40703810162020100015
Наименование банка получателя: Отделение «Банк Татарстан» №8610 ПАО Сбербанк г. Казань
Кор. счет: 30101810600000000603
БИК банка получателя: 049205603
В графе «назначение платежа» Жертвователь указывает – «Пожертвование для оказания помощи пострадавшим от стихийных бедствий».
Публичная оферта о заключении договора пожертвования
Физик затлар өчен махсус QR-код булдырылды:
