30 нчы августта “Уйнагыз, гармуннар!” фестивале Казанда 35 нче тапкыр оештырылды. Анда Татарстаннан һәм Россия төбәкләреннән гармунчылар ансамбльләре, фольклор коллективлар җыелды. Камал театры каршында чыгыш ясаганнан соң, алар Бауман урамы буйлап Кремль буена килә. Быелгы фестивальне Россия төбәкләреннән Мииләт Җыенында катнашу өчен килгән 250 ләп милләттәшебез дә күзәтте.