Быелның 9-10 гыйнваренда Башкортстанның Уфа шәһәрендә мәктәп укучылары татар теле буенча белемнәрен сынады. Олимпиаданың соңгы турында 183 бала катнашкан. 24 укучы җиңүгә ирешә.
Казанда узачак олимпиадага аларның барысы да киләчәкме? Алар Бөтендөнья татар конгрессының нинди бүләкләренә лаек булган? “Конгресс мөнбәре” тапшыруында БТКның Россия төбәкләрендәге татар иҗтимагый оешмалар белән эшләү комитеты җитәкчесе Марс Тукаев шул хакта сөйли.
Башкортстанга сәфәр вакытында татар теле һәм әдәбияты укытучылары белән очрашулар да оештырылган. Анда туган телне саклап калу хакында сөйләшәләр. Марс Тукаев әлеге аралашудан соң барлыкка килгән нинди борчулары белән бүлешә? Бу хакта тапшыруны карагач, тулырак белерсез.
