Ветераннарыбыз арасында гаҗәеп кешеләр бар. Шуларның берсе – Менделеевский районыннан – Зәйнәк Әгълиев. 97 яшьтә. Аның төз буй-сынын, зирәк фикерләвен күргәч, күз тимәсен, дип куясың!

Алар күңелендә сөйләнмәгән күпме тарих саклана. Әмма берсен ветеран бәян итте. Ул – маршал Георгий Җуковны күргән бабай! Нәкъ шул бер очраклы очрашуда ул хәрби җитәкчене бөтенләй көтелмәгән яктан ача.