Рафыйк Фәтхуллов Мордовиянең Ләмбрә районы Аксюн авылыннан. Хуҗалыкларында 2500 гектар җирләре бар һәм әлеге җирләрдә авыл хуҗалыгы культурасы: бодай, арыш, арпа үстерәләр.
Эшмәкәрнең 500 аты, 15 төрле казылык әзерләүче хәләл ризык цехы да эшли, “Юлдаш” дигән кунакханә комплексы, хәләл кибете дә бар. Рафыйк Фәтхуллов быел җәй көнне туган авылының 350 еллыгы уңаеннан зур Сабантуйга әзерләнүен әйтте һәм кунак итеп ТР Президенты Рөстәм Миңнехановны, Бөтендөнья татар конгрессының Милли шура рәисе Васил Шәйхразиевны әлеге бәйрәмгә чакырды.
