“Очрашу урыны -Казан” тапшыруында журналист, җәмәгать эшлеклесе Римзил Вәлиев Нижгар өлкәсеннән килгән милләттәшебез Фәрит Аймалетдинов белән әңгәмә кора. Алар Сергач якларында эшләүче җирле татар радиосы хакында фикер алыша. Радионың җитәкчесе Фәрит Аймалетдинов радионы яшәтү өчен тапшырулар алып барырга журналистлар кирәк, ди. Ярдәм сорап Казанга килгән. Бу хәл итәрлек мәсьәләме? Нижгар өлкәсенә барырга теләк белдерүчеләр булса, аларга анда нинди шартлар тудырыла? Болар хакында тапшыруны карагач белерсез.