“Татар сүзе” халыкара нәфис сүз телевизион конкурсына гаризалар кабул итү дәвам итә. Бәйгедә катнашырга теләк белдереп видеолар җибәрүчеләрне “ШАЯН ТВ” каналына кунакка чакырдылар. Бу – иҗади гаилә, профессионаллар һәм чыгыш ясарга теләүче нәниләр.

Бәйгенең премия фонды 1 000 000 сум. Катнашу өчен татар әдәби әсәрләрен сәнгатьле укып, видеоны конкурсның рәсми почтасына җибәрергә кирәк. Быел бәйге телевизион форматта үткәрелә. Иҗади эшләр төрле тапшыруларда күрсәтеләчәк. Сәләтле балаларга телевидениедә эшләү мөмкинлеге дә бар.