“Татармультфильм” берләшмәсе хәзерге вакытта инде 500 ләп мультфильм эшләде. Алар татар, рус, инглиз телләрендә. Араларында әкиятләргә нигезләнеп төшерелгәннәре дә, тарихилары да бар. “Дөнья” студиясендә кунакта берләшмәнең башкарма директоры Алсу Низамиева үзләрендәге анимацион фильмнар һәм кызыклы китаплар белән таныштырыр. Әңгәмә әти-әниләр, әби-бабайлар өчен кызыклы булыр дип ышанып калабыз.