“Сәнгатьнең язмышы – ул милләт язмышы, халык язмышы да бит. Сәнгате аша гына халыкның кем икәнлеге беленә.” ТАССРның халык артисты Хәйдәр Бигичев сүзләре бу. Аның арабыздан китүенә 13нче ноябрьдә 25 ел була. Кабатланмас драматик тенорлы җырчы, опера сәнгате йолдызы.

Хатирәләр олуг шәхескә багышланган китапта урын алды. 2010нчы елда татар телендә чыгарылган басма, аннары рус телендә дөнья күрде. Ул басмаларда гаять бай мәгълүмат тупланган, ләкин китапның барлыгын күпләр белми дә. Чөнки ул аерым тәкъдим ителмичә кала. Эшне башлап йөрүче – җырчының хатыны, Татарстанның халык артисты Зөһрә Сәхәбиева була.