Әлеге видеоязманы Себер татар мәдәнияте үзәге җибәрде. Тубыл шәһәрендә Нәүрүз бәйрәмен ел саен шушы үзәк оештыра. Биредә әлеге төбәктә яшәүче төрки халыклар җыелып, бергәләшеп ял итә. Күргәзмәләр оештырганнар, балалар өчен мастер-класслар үткәрәләр.

Үзешчән артистлар татар, рус, әзербайҗан телләрендә җырлар җырлыйлар. Түгәрәк уеннары оештыралар. Әлеге видеоязманы карап сез, Себердә яшәүче татарларга хас кайбер гореф-гадәтләр хакында да мәгълүмат алырсыз.