“Дөнья” студиясендә кунакта танылган рәссамнар – Татарстанның халык рәссамы Мөдәррис Минһаҗев һәм Башкортстанның атказанган рәссамы, Татарстанның атказанган сәнгать эшлеклесе Вәкил Шәйхетдинов. Рәссамнар күптән түгел Казанда узган Халыкара рәссамнар пленэре хакында хис-кичерешләре белән бүлешә. Әлеге чарада төрле илләрдән һәм Россия төбәкләреннән җыелган иҗат әһелләре Казанның тарихы урыннарын картинада сурәтли. Аның барышында барлыгы 50 дән артык картина тудырылган. Рәссамнар белән әңгәмә тәкъдим итәбез.